विश्व वातावरण दिवस महाअभियानका रुपमा मनाइने

शुभ खबर, सरकारले विश्व वातावरण दिवसलाई औपचारिक कार्यक्रममा मात्र सीमित नराखी महाअभियानका रुपमा वर्षभरि नै मनाउने भएको छ ।

विशेषगरी काठमाडाँै उपत्यकालगायत शहरी क्षेत्रमा बढ्दै गएको प्रदूषण नियन्त्रण, फोहरमैला व्यवस्थापन एवं सरसफाइ तथा वृक्षरोपणजस्ता क्षेत्रमा वन तथा वातावण मन्त्रालयले उच्च प्राथमिकता दिई वातावरण दिवसलाई महाअभियानका रुपमा मनाउन लागेको हो । यसका लागि सरकारले आफ्नो नीति तथा कार्यक्रम एवं बजेटमा समेत सम्बोधन गरेको छ । विश्व वातावरण दिवस जेठ २२ गते(जुन ५ तारिख) पर्दछ ।
वन तथा वातावरण मन्त्री शक्तिबहादुर बस्नेतले ‘पोलिसी रिसर्च एण्ड एड्भोकेसी हव’ नामक संस्थाद्वारा वातावरण संरक्षणसम्बन्धी आज यहाँ आयोजित कार्यक्रमलाई सम्बोधन गर्दै वातावरण दिवस वर्षमा एकदिनमात्र मनाएर पुग्दैन, वातावरण संरक्षणलाई नीति निर्माणमा राखी वर्षदिनभरि नै मनाउनुपर्छ भन्नुभयो ।
मन्त्री बस्नेतले वातावरण संरक्षणका लागि स्थानीय र प्रदेशलाई समेत संघमार्फत थप सहयोग गर्ने नीति रहेको चर्चा गर्दै वातावरण संरक्षणमा सरकारी, निजी, नागरिक अगुवाको सहकार्य आवश्यक रहेकामा जोड दिनुभयो ।

“वातावरण संरक्षण विदेशी नक्कलभन्दा आफ्नै भौगोलिक यथार्थता, व्यावहारिक पक्षलाई ध्यान दिई कार्यक्रम बनाउनुपर्छ, प्रदूषण गर्ने व्यक्ति वा संस्थालाई कारवाहीको दायरामा ल्याउन लागिएको छ”, उहाँले भन्नुभयो ।

वन तथा वातावरण मन्त्रालयले भौतिक पूर्वाधारको विकास गर्दा वन र वातावरण संरक्षण गर्न पनि ध्यान दिन आग्रह गर्दै आएको चर्चा गर्दै मन्त्री बस्नेतले यसका लागि अन्तरमन्त्रालयबीचमा छलफल भइरहेको छ भन्नुभयो ।

संरक्षणविद् डा धर्मराज उप्रेतीले वन व्यवस्थापनमा नयाँ नीति अवलम्बन गर्न सुझाव दिँदै प्रदूषणले देशका प्रमुख शहरको दैनिकीलाई कष्टकर बनाउँदै लगेको बताउनुभयो ।
वातावरणविद् डा रविन मल्ल र डा राजन थापाले वन संरक्षण नीतिलाई परिवर्तन गर्न सुझाव दिनुभयो । कार्यक्रम आयोजक संस्थाका अध्यक्ष राज शाहीले भौतिक पूर्वाधार विकासका साथमा वन तथा वातावरण संरक्षणमा जोड दिनुपर्छ भन्नुभयो ।
कार्यक्रममा पूर्वमन्त्री एवं सांसद सत्या पहाडी, राससका महाप्रबन्धक ओपेन्द्र शर्माको सहभागिता रहेको थियो ।  (रासस)

प्रकाशित मिति : २०७५, १९ जेष्ठ शनिबार १८:१४

तपाइको प्रतिकृया

सम्बन्धित शीर्षकहरु

नागरिक समूहले “अबको निकास, राष्ट्रिय अखण्डता र बिकास” गर्ने

नागरिक समूहले “अबको निकास, राष्ट्रिय अखण्डता र बिकास” गर्ने

शुभ खबर, नागरिक समूहले आगामी असोज २७ गते अर्थात १३ अक्टोबरमा राजधानीमा एक दिने “अबको निकास, राष्ट्रिय अखण्डता र बिकास” […]

२०७५, २१ आश्विन आईतवार १८:१०
आइटी स्टार्टअपका चुनौती र अवसर विषयमा अन्तर्क्रिया कार्यक्रम सम्पन्न

आइटी स्टार्टअपका चुनौती र अवसर विषयमा अन्तर्क्रिया कार्यक्रम सम्पन्न

शुभ खबर, वेब एशोसिएसन नेपालको आयोजनामा आइटी स्टार्टअपहरुको चुनौती र सम्भावना विषयक अन्तक्र्रिया कार्यक्रम सम्पन्न भएको छ । शनिबार काठमाडौंको […]

२०७५, २१ आश्विन आईतवार ०९:३९
सार्वजनिक सम्पत्ति कब्जा गर्ने छुट छैनः उपप्रधानमन्त्री

सार्वजनिक सम्पत्ति कब्जा गर्ने छुट छैनः उपप्रधानमन्त्री

शुभ खबर, उपप्रधान तथा रक्षामन्त्री ईश्वर पोखरेलले सार्वजनिक सम्पत्ति कब्जा गरी केही व्यक्तिको स्वार्थमा प्रयोग गर्ने छुट कसैलाई पनि नभएको […]

२०७५, २० आश्विन शनिबार २०:०६
गैरआवासीय नेपाली दिवसको अवसरमा डन्डिवियो प्रतियोगिता हुने

गैरआवासीय नेपाली दिवसको अवसरमा डन्डिवियो प्रतियोगिता हुने

शुभ खबर, गैरआवासीय नेपाली दिवसको अवसर पारेर भोली अक्टोवर ७ का दिन विहान ७ बजे देखी त्रिपुरेश्वर स्थित दशरथ रंगशालामा […]

२०७५, २० आश्विन शनिबार १९:४३
सातै प्रदेशका नमूना गन्तव्यहरु

सातै प्रदेशका नमूना गन्तव्यहरु

शुभ खबर, सरकारले हालैमात्र नमूना गन्तव्यको रुपमा सातै प्रदेशका एक–एक वटा गन्तव्यको विकासगर्ने बताएको छ । यसअनुसार  १ नम्बरबाट इलामको […]

२०७५, २० आश्विन शनिबार १९:३५
कक्षा ११ को नतिजा सार्वजनिक !! यसरी हेर्नुहोस नतिजा

कक्षा ११ को नतिजा सार्वजनिक !! यसरी हेर्नुहोस नतिजा

शुभ खबर, राष्ट्रिय परीक्षा बोर्डले कक्षा ११ को नतिजा सार्वजनिक गरेको छ । अघिल्लो वर्षभन्दा झण्डै तीन महिना अघि बोर्डले […]

२०७५, २० आश्विन शनिबार १९:१७
भिडियो