टिच फर नेपालले पाचौँ वार्षिकोत्सव मनाउँदै

शुभ खबर,   टिच फर नेपाल अभियानले यही चैत्र २३ गते काठमान्डौको राष्ट्रिय सभा गृहमा आफ्नो पाचौँ वार्षिकोत्सव आयोजना गर्दैछ। प्रमुख अतिथिको रूपमा शिक्षा, विज्ञान तथा प्रविधि मन्त्री गिरिराजमणि पोखरेल सहभागी हुने यस कार्यक्रम टिच फर नेपालको ५ वर्षको अनुभव, सिकाइ र उपलब्धिको सेरोफेरोमा केन्द्रित हुनेछ। यस अभियानले यसै कार्यक्रममा आगामि वैशाखबाट सार्वजनिक विद्यालयहरूमा काम गर्न जाने छैटौँ समूहका ७० जना फेलोहरूको स्वागत गर्नेछ भने २ वर्षको कार्यकाल सकेका चौथो समूहको ३९ जना फेलोहरूको विदाइ गर्नेछ।

“टिच फर नेपालको ५ वर्ष आशा, संघर्ष र उपलब्धिको यात्रा हो”, ५ वर्षलाई सम्झिँदै प्रमुख कार्यकारी अधिकृत शिशिर खनाल भन्छन्। राजनीतिक संक्रमणका बीच वि।सं। २०६९ मा जन्मिएको यस अभियानले अब्बल युवालाई छानेर विभिन्न सार्वजनिक विद्यालयमा २ वर्षको लागि पठाउँछ। आफ्नो अनुभव सुनाउँदै खनाल भन्छन्, “सुरुमा उत्कृष्ट युवाहरू दुर्गम ठाउँ नजालान् कि भन्ने शंका थियो तर आजसम्म १ सय २ जना युवाले दुई वर्ष काम गरिसकेका छन्। उनीहरूले हजारौँ बालबालिकाको जीवनमा अर्थपूर्ण परिवर्तन पनि ल्याएका छन्।”

आफ्ना फेलोहरूको कामले हौसला दिएको भन्दै खनाल थप्छन्,“हाम्रा फेलोहरूले पढाएका विद्यार्थीहरूले उच्च शिक्षाको लागि विभिन्न राष्ट्रिय र अन्तराष्ट्रिय छात्रवृत्ति पाएका छन्। विभिन्न क्षेत्रीय र राष्ट्रिय प्रतियोगिताहरू जितेका छन्। आफ्नै ठाउँका स्रोतहरू पहिचान गरेर विभिन्न सिर्जनशील, उद्यमशील तथा चेतनामूलक काम पनि गरेका छन्। मलाई युवाहरूले चाहेमा बालबालिकाको जीवन परिवर्तन गर्न सक्छन् भन्ने विश्वास पलाएको छ।”

पहिलो समूहबाट ५ वर्षअगाडि ललितपुरको टीकाभैरवमा गणित पढाउन गएका प्रविन राज निरौला टिच फर नेपालको यात्रालाई आफ्नो देशको माटो चिन्ने अभियानको रूपमा व्याख्या गर्छन्। पुल्चोक इन्जिनियरिङ क्याम्पसबाट सिभिल इन्जिनियरिङ गरेका निरौला करिब ८ वर्ष विभिन्न सरकारी र निजी परियोजनामा काम गरेपछि टिच फर नेपालसँग जोडिन पुगेका थिए। निरौलाजस्तै यस अभियानमा विभिन्न संकाय र पेशागत अनुभव भएका युवाहरू जोडिएका छन्।

“नेपालका सम्पूर्ण बालबालिकाले उत्कृष्ट शिक्षा पाउनुपर्छ,” आफ्नो अभियानको उद्देश्य सुनाउँदै टिच फर नेपालकी तालिम तथा सहयोग प्रमुख स्वस्तिका श्रेष्ठ भन्छिन्, “यसको लागि हामी फेलोहरूको तालिमलाई प्रभावकारी बनाउने काममा कटिबद्ध छौँ।”

“आफ्नै जीवनकालमा परिवर्तन खोज्ने हो भने हामीलाई आराम गर्ने अधिकार छैन”, श्रेष्ठ काममा आफ्नो प्रतिबद्धता सुनाउँदै भन्छिन्, “गत ५ वर्षको संघर्ष र सफलता सम्पूर्ण सरोकारवालाहरूसँग मनाउन पाचौँ वार्षिकोत्सव आयोजना गरिएको हो।”

यस कार्यक्रममा टिच फर नेपाल कार्यरत विद्यालयका विद्यार्थीहरू, नगरपालिका तथा गाउँपालिकाका प्रमुखहरू, सरकारी पदाधिकारीहरू, शिक्षाकर्मीहरू, सन्चारकर्मीहरू, शिक्षकहरू, सहयोगीहरू, शुभेच्छुकहरू तथा अन्य सरोकारवालाहरू उपस्थित हुनेछन्। साथै टिच फर नेपालका फेलोहरू, पूर्व फेलोहरू, स्टाफहरू र बोर्ड सदस्यहरूको पनि सहभागिता हुनेछ।

करिब ९ सय मानिसहरू सहभागी हुने यस कार्यक्रममा टिच फर नेपाल काम गर्ने विद्यालयका विद्यार्थीहरू सहभागी भएको सिर्जनशील परियोजनाहरू पनि प्रदर्शन हुनेछ। विद्यार्थीहरूले विज्ञान, प्रविधि, हस्तकला तथा उद्यमशीलतासम्बन्धी विभिन्न सिकाइ परियोजनाहरू प्रदर्शन गर्नेछन्। सिन्धुपाल्चोक र दक्षिण ललितपुरका करिब ५० विद्यार्थीहरू कार्यक्रममा सामेल हुनेछन्।

यस कार्यक्रममा यहाँको उपस्थितिको लागि हार्दिक निमन्त्रणा गर्दछौँ। टिच फर नेपालबारे टिच फर नेपाल स्नातक सकेका अब्बल नेपाली युवाहरूले संचालन गरेको एउटा शैक्षिक अभियान हो । यस अभियान अन्तर्गत यी युवाहरू ललितपुर, सिन्धुपाल्चोक र धनुषाका विभिन्न सार्वजनिक विद्यालहरूमा दुई वर्ष पढाउने छन् । कक्षाकोठामा मात्र सीमित नभएर यी युवाहरूले विद्यालय र समुदाय सशक्तिकरणका काममा पनि सहभागिता जनाउने छन् । त्यसपश्चात एलमनाइको रूपमा विभिन्न नेतृत्वदायी भूमिकामा बालबालिकाको गुणस्तरीय शिक्षाको लागि प्रत्यक्ष र अप्रत्यक्ष रूपमा सहभागी हुनेछन् ।

विक्रम सम्वत २०७० को वैशाखबाट ललितपुरका १६ विद्यालयहरूमा सुरू भएको यो अभियान अहिले सिन्धुपाल्चोक ,धनुषा, दाङ, लमजुङ र पर्सासमेत ५१ विद्यालयमा पुगेको छ । ३३ जना फेलोबाट सुरू भएको अभियानमा आगामि शैक्षिक सत्रबाट १ सय १२ जना फेलोहरू विभिन्न सार्वजनिक विद्यालयमा जानेछन्। यसबाट प्रत्यक्ष रूपमा १० हजार विद्यार्थीहरू प्रभावित हुनेछन् ।

प्रकाशित मिति : २०७४, २१ चैत्र बुधबार १९:२६

तपाइको प्रतिकृया

सम्बन्धित शीर्षकहरु

नागरिक समूहले “अबको निकास, राष्ट्रिय अखण्डता र बिकास” गर्ने

नागरिक समूहले “अबको निकास, राष्ट्रिय अखण्डता र बिकास” गर्ने

शुभ खबर, नागरिक समूहले आगामी असोज २७ गते अर्थात १३ अक्टोबरमा राजधानीमा एक दिने “अबको निकास, राष्ट्रिय अखण्डता र बिकास” […]

२०७५, २१ आश्विन आईतवार १८:१०
आइटी स्टार्टअपका चुनौती र अवसर विषयमा अन्तर्क्रिया कार्यक्रम सम्पन्न

आइटी स्टार्टअपका चुनौती र अवसर विषयमा अन्तर्क्रिया कार्यक्रम सम्पन्न

शुभ खबर, वेब एशोसिएसन नेपालको आयोजनामा आइटी स्टार्टअपहरुको चुनौती र सम्भावना विषयक अन्तक्र्रिया कार्यक्रम सम्पन्न भएको छ । शनिबार काठमाडौंको […]

२०७५, २१ आश्विन आईतवार ०९:३९
सार्वजनिक सम्पत्ति कब्जा गर्ने छुट छैनः उपप्रधानमन्त्री

सार्वजनिक सम्पत्ति कब्जा गर्ने छुट छैनः उपप्रधानमन्त्री

शुभ खबर, उपप्रधान तथा रक्षामन्त्री ईश्वर पोखरेलले सार्वजनिक सम्पत्ति कब्जा गरी केही व्यक्तिको स्वार्थमा प्रयोग गर्ने छुट कसैलाई पनि नभएको […]

२०७५, २० आश्विन शनिबार २०:०६
गैरआवासीय नेपाली दिवसको अवसरमा डन्डिवियो प्रतियोगिता हुने

गैरआवासीय नेपाली दिवसको अवसरमा डन्डिवियो प्रतियोगिता हुने

शुभ खबर, गैरआवासीय नेपाली दिवसको अवसर पारेर भोली अक्टोवर ७ का दिन विहान ७ बजे देखी त्रिपुरेश्वर स्थित दशरथ रंगशालामा […]

२०७५, २० आश्विन शनिबार १९:४३
सातै प्रदेशका नमूना गन्तव्यहरु

सातै प्रदेशका नमूना गन्तव्यहरु

शुभ खबर, सरकारले हालैमात्र नमूना गन्तव्यको रुपमा सातै प्रदेशका एक–एक वटा गन्तव्यको विकासगर्ने बताएको छ । यसअनुसार  १ नम्बरबाट इलामको […]

२०७५, २० आश्विन शनिबार १९:३५
कक्षा ११ को नतिजा सार्वजनिक !! यसरी हेर्नुहोस नतिजा

कक्षा ११ को नतिजा सार्वजनिक !! यसरी हेर्नुहोस नतिजा

शुभ खबर, राष्ट्रिय परीक्षा बोर्डले कक्षा ११ को नतिजा सार्वजनिक गरेको छ । अघिल्लो वर्षभन्दा झण्डै तीन महिना अघि बोर्डले […]

२०७५, २० आश्विन शनिबार १९:१७
भिडियो