प्रदेश नं १ मा एसडिजी फेस्टिबल सम्पन्न

शुभ खबर, दिगो विकासको लक्ष्य प्राप्तीका लागि नेपाल यूवा परिषदको आयोजनामा भव्य कार्यक्रम प्रदेश नं १ को विराटनगरमा सम्पन्न भएको छ ।


नेपाल युवा परिषदका केन्द्रीय अध्यक्ष सरोज बानियाँको बिशेष सम्बोधन पश्चात औपचारिक रुपमा सुरु भएको कार्यक्रममा अध्यक्ष बानियाँले प्रदेश नं १ लाई समृद्ध प्रदेशको रुपमा चिनाउने हो भने यसका लागि अरुको मुख नताकी प्रदेशका युवाहरुबाट नै हुनुपर्नेमा जोड दिए । उनले दिगो बिकास लक्ष्य प्राप्तिमा सबै क्षेत्रमा युवाहरु जुट्नु पर्ने बताए ।

कार्यक्रममा संयुक्त राष्ट्रसंघिय बिकास कार्यक्रमका नेपाल प्रमुख रेनोड मेयरले दिगो बिकासको लक्ष्य भनेको कसैको नारा वा एजेण्डा नभई यो सबैको साझा एजेण्डाको बिषय भएको बताए । रेनोडले दिगो बिकास लक्ष्यलाई संयुक्त राष्ट्र संघको महासभामा नेपाल सरकारको प्रतिनिधिले समेत हस्ताक्षर गरेको हुँदा यो सबैको साझा लक्ष्य हो भन्ने कुरामा बिशेष जोड दिए । उनले युवा भनेका भविष्यका कर्णधार मात्र नभई बर्तमानका साझेदार पनि भएको भन्दै स्थानिय सरकार र प्रदेश सरकारले युवा सुहाउँदो कार्यक्रम बनाई अघि बढ्न सकेको खण्डमा नेपाल समृद्ध तर्फ उन्मुख हुनेमा जोड दिए ।


प्रदेश नं १ का सामाजिक बिकास मन्त्री जिबन घिमिरेको प्रमुख आतिथ्यतामा सम्पन्न भएको कार्यक्रममा घिमिरेले कार्यक्रमबाट प्राप्त सल्लाह सुझाब तथा भाबी कार्ययोजनालाई अध्ययन गरी प्रदेश नं १ का युवाहरुलाई सशक्तिकरण गर्नको निमित्त प्रदेश सरकारको निति तथा कार्यक्रममा समाबेश गरिने बताउँदै उनले भने, ‘बिभिन्न कार्यक्रमहरु पनि निर्माण गरिन्छ, साथै आबश्यक बजेट तर्जुमा समेत गर्ने गरी यस प्रदेशको विकासका लागि सरकार तत्पर रहेको छ ।’

कार्यक्रममा प्रदेश नं १ का उपसभामुख सरस्वती पोखरेल ‘शारदा’ले नेपालका युवाहरुलाई अवसर सृजना गरी नेपाली भुमिमा नै बिबिध खालका उद्यमशीलता गर्न प्रेरित गर्नु पर्ने कुरामा सबैको ध्यानाकर्षण गरिन् ।
मन्त्वय दिने क्रममा जिल्ला समन्वय समिति मोरङका सभापतिले समसामयीक बिषयमा तथा दिगो बिकास लक्ष्य बिषयमा आफ्नो महत्वपूर्ण धारण राख्नुभएको थियो ।

बिभिन्न बक्तहरुले बिभिन्न बिषयमा मन्तव्य प्रस्तुत हुर्दै उद्घाटन शत्र समापन भएको थियो ।
कार्यक्रममा युएनडिपी नेपालको युवा कार्यक्रमका अधिकृत विषम ज्ञवाली, बिराटनगर नगरपालिकाका प्रतिनिधि दिल्ली धिमाल, ओरेक नेपाल विराटनगरकी प्रमुख शोभा बजगाई तथा राष्ट्रिय मानव अधिकार आयोगकी मोरङ प्रमुख मञ्जुु खतिवडाले मन्तव्य राखेका थिए ।
कार्यक्रमको अन्त्यमा सडक सुरक्षा सम्बन्धि भिडियो प्रस्तुत गरि सहभागीहरुलाई बिभिन्न समूहमा बिभाजन गर्दै प्रदेशको भावी कार्ययोजना बनाएर फेस्टिबल सम्पन्न भएको हो । यसअघि परिषदले ६ ओटा प्रदेशहरुमा एसडिजी फेस्टिबल सम्पन्न गरिसकेको छ, यो कार्यक्रमसँगै प्रदेशस्तरीय एसडिजी फेस्टिबल सम्पन्न भएको अध्यक्ष बानियाँले जानकारी दिए ।

प्रकाशित मिति : २०७५, १२ जेष्ठ शनिबार २१:०३

तपाइको प्रतिकृया

सम्बन्धित शीर्षकहरु

सुन्तलाको बिरुवा बेचेर पाँच लाख आम्दानी

सुन्तलाको बिरुवा बेचेर पाँच लाख आम्दानी

शुभ खबर, अन्नपूर्ण गाउँपालिका–३ फगामका जोकबहादुर विकले सुन्तलाको बिरुवा बेचेर रु पाँच लाखभन्दा बढी आम्दानी गर्नुभएको छ । विगत पाँच वर्षदेखि […]

२०७५, २१ असार बिहीबार १५:०८
दिगो विकास लक्ष्य हासिल गर्न व्यापारिक समुदायको भूमिकामा जोड

दिगो विकास लक्ष्य हासिल गर्न व्यापारिक समुदायको भूमिकामा जोड

शुभ खबर, व्यापारिक समुदायले आफ्नो व्यवसाय प्रवद्र्धनसँगै दिगो विकास लक्ष्य हासिल गर्ने दिशामा क्रियाशील रहनुपर्नेमा जोड दिइएको छ । उत्तरदायीपूर्ण ढंगबाट […]

२०७५, २१ असार बिहीबार १४:५१
गरिबी निवारणका लागि रु दश करोड लगानी

गरिबी निवारणका लागि रु दश करोड लगानी

शुभ खबर, गरिबी निवारण कोषमार्फत नुवाकोटमा करीब रु १० करोड लगानी भएको छ । विसं २०७१ चैतदेखि शुरु भएर जिल्लाका साविक […]

२०७५, २१ असार बिहीबार १०:३२
गृहमन्त्री राष्ट्रियसभा-जानकारी

गृहमन्त्री राष्ट्रियसभा-जानकारी

शुभ खबर, गृहमन्त्री रामबहादुर थापाले जनताको क्रियाकलाप प्रभावित नहोस् भन्ने हेतुले सरकारले अति संवेदनशील केही स्थानमा निशेधाज्ञा जारी गरेको जानकारी दिनुभयो […]

२०७५, २० असार बुधबार २०:४३
जलस्रोत नीति मस्यौदा तयार

जलस्रोत नीति मस्यौदा तयार

शुभ खबर, नेपालका सबै नदीका बेसिन योजना आगामी तीन वर्षभित्रमा तयार गर्ने योजनाका साथ राष्ट्रिय जलस्रोत नीतिको मस्यौदा तयार भएको छ […]

२०७५, २० असार बुधबार २०:३५
दाङमा १५ प्रतिशत धान रोपाइँ

दाङमा १५ प्रतिशत धान रोपाइँ

शुभ खबर, पर्याप्त वर्षा नभएका कारण अहिलेसम्म दाङमा १५ प्रतिशत मात्र धान रोपाइँ भएको छ । सिँचाईको अभावमा रोपाइँ हुन नसक्दा […]

२०७५, १५ असार शुक्रबार १४:२२
भिडियो