सबै जातजाति र समुदायलाई जोडेमात्र देश विकास हुन्छ – पूर्व राष्ट्रपति यादव

शुभ खबर, गणतन्त्र नेपालका प्रथम राष्ट्रपति डा रामवरण यादवले मुलुकका सबै जातजाति र समुदायलाई जोडेर अगाडि बढेमात्र देश विकास हुने बताउनुभएको छ ।

प्रजातान्त्रिक विचार समाजको स्थापना दिवस एवं साधारणसभाका अवसरमा आज यहाँ आयोजना गरिएको ‘प्रजातान्त्रिक योद्धा सम्मान’ कार्यक्रममा उहाँले लामो समयपछि मुलुकमा परिवर्तन आएको भन्दै यसलाई बचाउनका लागि सबै राजनीतिक दल लाग्नुपर्ने बताउनुभयो । “सबैलाई समेटेर मुलुकको विकास होस् भन्ने मेरो चाहना हो”, उहाँले भन्नुभयो ।

नेपाली काँग्रेसको राजनीतिबाट मुलुकको पहिलो राष्ट्रपति बन्नुभएका डा यादवले काँग्रेसभित्र गुटगत राजनीति हाबी हुँदै गएकामा चिन्ता व्यक्त गर्नुभयो । “काँग्रेसले काँग्रेस सिध्याउन लागिरहेका छन्, टिकट पैसामा वितरण भइरहेको छ”, उहाँले भन्नुभयो ।

गाउँ, नगर र जिल्लामा संगठन विस्तार गर्न नलागेसम्म काँग्रेस बलियो नहुने उहाँको भनाइ थियो । राष्ट्र जोड्ने र लोकतान्त्रिक पद्धतिलाई बलियो बनाउन काँग्रेसले मात्र सक्ने भन्दै उहाँले काँग्रेस सुधार्ने जिम्मा बौद्धिक वर्गलाई दिनुपर्ने बताउनुभयो । काँग्रेसका बारेमा आफूले धेरै भन्ने कुराहरु भए पनि आफ्नो पदीय मर्यादालाई ख्याल गरेको उहाँले बताउनुभयो ।

पूर्वमन्त्री एवं राजनीतिक चिन्तक निलाम्बर आचार्यले काँग्रेसको विचारमा हिँड्ने कम्युनिष्टहरुले काँग्रेसलाई निर्वाचनमा पराजित गरेको बताउनुभयो । “काँग्रेस कमजोर भएका कारण कम्युनिष्टहरुले अवसर पाए, भविश्य कम्युनिष्ट विचारसँग छैन”, उहाँले भन्नुभयो ।

संगठन, राजनीति र सिद्धान्तलाई पुनःनिर्माण गरेर अगाडि बढेमात्र काँग्रेस अगाडि बढ्ने उहाँको भनाइ थियो । काँग्रेसले संसद्मा सशक्त भएर जनताको मुद्दा उठाउँदै स्थानीय तहदेखि केन्द्रसम्म नयाँ नेतृत्व जन्माउन सकेमात्र पहिलेको स्थानमा पुग्ने उहाँको धारणा थियो ।

राजनीतिक चिन्तक प्रा डा कृष्ण खनालले काँग्रेस विरोधीहरुले विश्वेश्वरप्रसाद कोइरालाको अस्त्र काँग्रेसमाथि प्रयोग गरेकाले पार्टी कमजोर भएको बताउनुभयो । “काँग्रेसका गतिविधिहरुदेखि धेरै कार्यकर्ताले परिवर्तन चाहेका छन्, त्यसैले काँग्रेस पुनःनिर्माणको आवश्यकता छ”, उहाँले भन्नुभयो ।

आफ्नो पछाडि नलाग्ने सबै विरोधी भन्ने मानसिकता नेताहरुसँग भएको कारण काँग्रेस कमजोर भएको उहाँको भनाइ थियो ।

राजनीतिक चिन्तक डा देवेन्द्रराज पाण्डेले काँग्रेस कमजोर भए नेपालको प्रजातान्त्रिक आन्दोलन कमजोर हुने भन्दै पार्टी बलियो बनाउनका लागि संगठन निर्माणमा लाग्नुको विकल्प नभएको बताउनुभयो । काँग्रेसले आफ्ना नीति तथा कार्यक्रम जनतामाझ लैजान नसक्दा पराजय भोगेको उहाँको भनाइ थियो ।

सो अवसरमा प्रजातान्त्रिक योद्धा सम्मानबाट पुरुषोत्तम बस्नेत सम्मानित हुनुभयो । रु २५ हजार नगद, सम्मानपत्र र दोसल्लाबाट सम्मान हुनुभएका प्रजातान्त्रिक योद्धा बस्नेतले मुलुकमा प्रजातन्त्रमाथि ठूलो संकट देखा परेको भन्दै प्रजातन्त्रलाई बचाउनका लागि प्रजातन्त्रवादीहरु एकजुट हुनुपर्ने बताउनुभयो ।

प्रजातान्त्रिक विचार समाजका पूर्वअध्यक्ष होमनाथ दाहाल, प्रजातान्त्रिक प्राध्यापक संघका अध्यक्ष जगत तिमल्सना, समाजका वरिष्ठ उपाध्यक्ष कुलचन्द्र वाग्ले, उपाध्यक्ष डा विमला शाक्यलगायतले प्रजातन्त्रलाई सुदृढ बनाउनका लागि विभिन्न कार्यक्रममार्फत प्रजातान्त्रिक विचार समाज लागिरहेको बताउनुभयो ।

उहाँहरुले प्रजातान्त्रिक विचार समाजमा विभिन्न पेशा व्यवसायमा आबद्ध बुद्धिजीवीहरु रहेको भन्दै पार्टीले उनीहरुको विचारलाई समावेश गरेर अगाडि बढ्नुपर्नेमा जोड दिनुभयो ।

विसं २०५२ जेठ ३ गते स्व वासुदेवचन्द्र मल्लको अध्यक्षतामा स्थापना भएको समाजले मुलुकमा मानव अधिकार, बहुदलीय प्रजातन्त्र, कानूनी राज्य तथा बहुलवादमा आधारित संसदीय प्रणालीको संस्थागत विकास र सुदृढीकरणमा महत्वपूर्ण भूमिका खेल्दै आएको समाजका अध्यक्ष डा केदारनरसिंह केसीले जानकारी दिनुभयो ।  (रासस)

प्रकाशित मिति : २०७५, ३ जेष्ठ बिहीबार १६:०१

तपाइको प्रतिकृया

सम्बन्धित शीर्षकहरु

टेलिकमको डाटा सेवा प्रयोगकर्ता एक करोड

टेलिकमको डाटा सेवा प्रयोगकर्ता एक करोड

शुभ खबर,  नेपाल टेलिकमको डाटा सेवाका प्रयोगकर्ता एक करोड एक लाख ५४ हजार पुगेका छन् । कम्पनीले हालै प्रकाशित गरेको पछिल्लो तथ्यांकअनुसार […]

२०७५, ८ जेष्ठ मंगलवार १९:१५
नेकपाका केन्द्रीय सदस्यको नाम सार्वजनिक, को को परे ? (सूचीसहित)

नेकपाका केन्द्रीय सदस्यको नाम सार्वजनिक, को को परे ? (सूचीसहित)

शुभ खबर, नेपाल कम्युनिष्ट पार्टीका ४४१ केन्द्रीय सदस्यको नाम सार्वजनिक गरिएको छ। तत्कालिन एमाले र माओवादी केन्द्रबीच जेठ २ गते एकीकरणपछि मंगलबार […]

२०७५, ८ जेष्ठ मंगलवार १९:०७
पर्यटन बोर्डद्वारा चिनियाँ भाषाको वेबसाइट शुरु

पर्यटन बोर्डद्वारा चिनियाँ भाषाको वेबसाइट शुरु

शुभ खबर, चिनियाँ पर्यटकलाई आकर्षण गर्ने उद्देश्यले नेपाल पर्यटन बोर्डले चिनियाँ भाषको वेबसाइट सञ्चालनमा ल्याएको छ । प्रमुख पर्यटकीय गन्तव्यबारे जानकारी गराई […]

२०७५, ७ जेष्ठ सोमबार १७:४२
नीति तथा कार्यक्रम प्रस्तुत

नीति तथा कार्यक्रम प्रस्तुत

शुभ खबर, राष्ट्रपति विद्यादेवी भण्डारीले सरकारको आगामी आर्थिक २०७५÷७६ को नीति तथा कार्यक्रम संघीय संसद् (राष्ट्रिय सभा ÷प्रतिनिधिसभा)को संयुक्त बैठकमा प्रस्तुत […]

२०७५, ७ जेष्ठ सोमबार १७:२४
सरकारको नीति तथा कार्यक्रम आज

सरकारको नीति तथा कार्यक्रम आज

शुभ खबर, राष्ट्रपति विद्यादेवी भण्डारीले सरकारको आर्थिक २०७५/७६ को नीति तथा कार्यक्रम सोमबार (आज) संघिय संसदमा प्रस्तुत गर्दै हुनुहुन्छ । बजेट […]

२०७५, ७ जेष्ठ सोमबार ०८:३३
किन खस्छ आङ ? जोगिने उपाय तथा उपचार

किन खस्छ आङ ? जोगिने उपाय तथा उपचार

शुभ खबर, पाठेघर अर्थात् आङ खस्ने राेग महिलाहरूमा हुने जटिल समस्या हाे । याे समस्याबाट धेरै महिलाहरू पिडित छन् । विषेश […]

२०७५, ६ जेष्ठ आईतवार ०९:५२
भिडियो