नुवाकोटे धामीलाई ‘नुवाकोट घर’ को अभिनन्दन

शुभ खबर, नुवाकोटको प्रसिद्ध भैरवीस्थान मन्दिरका पुजारी हरिमानसिंह डंगोल (धामीदाइ) लाई सानेपाको ‘नुवाकोट घर’ ले आज अभिनन्दन गरेको छ ।

गोर्खालीको कुलदेवीका रुपमा मानिने भैरवीका पुजारीलाई नुवाकोट घरका तर्फबाट पर्यटन व्यवसायी विक्रम पाँडेले नगद रु २५ हजारसहित सम्मान गर्नुभएको हो ।

ऐतिहासिक धरोहर नुवाकोट दरबार र भैरव मन्दिरको पहिचानलाई प्रवद्र्धन गरी पर्यटकीय गन्तव्यका रुपमा विकास गर्ने उद्देश्यले नुवाकोटको धरोहरको रुपमा रहेका धामीदाइलाई अभिनन्दन गरिएको व्यवसायी पाँडेले बताउनुभयो ।

परम्पराअनुसार १२ वर्षसम्म भैरव देवी स्थान मन्दिरका पुजारी धामीदाइ नुवाकोट परिसरभन्दा बाहिर निस्कन नमिल्ने कथन छ । प्रत्येक १२ वर्षमा राष्ट्र प्रमुखको हातबाट नयाँ पोशाक परिवर्तन गर्ने परम्पराअनुसार धामीदाइ काठमाडौँ आउनुभएको अवसर पारी उहाँलाई सम्मान गरिएको हो ।

धामीदाइका आफन्तसमेत रहेका पर्यटन व्यवसायी राजेन्द्रमान डंगोलका अनुसार धामीदाइ परम्पराअनुसार यही प्रयोजनको लागि मात्र तादी खोला तरेर नुवाकोट बाहिर निस्कन सक्नुहुन्छ ।

प्रत्येक वर्ष आयोजना गरिने सिन्दूरे जात्रामा धामीदाइले प्रयोग गर्ने पोशाक, गहनालगायत पहिरन प्रत्येक १२ वर्षमा परिवर्तन गर्नुपर्ने प्रथा रहिआएको छ ।

अठहत्तर वर्षीय धामीदाइको पोशाक परिवर्तन यो छैटौँ पटक हो । उहाँले पहिले विसं २०१९, २०३१, २०४१, २०५२ र २०६३ मा राष्ट्रप्रमुखबाट पोशाक परिवर्तन गर्नुभएको थियो । पछिल्लो पटक तत्कालीन राजा वीरेन्द्र शाहबाट पोशाक परिवर्तन गरेको उहाँले बताउनुभयो ।

उहाँले नुवाकोटदेखि आएर नुवाकोट घरको सम्मान पाउँदा आफू ज्यादै हर्षित भएको बताउनुभयो । धामीदाइको बस्त्र गुरुजुले तन्त्रमन्त्र गरेपछि लगाइन्छ । यस वर्षको समय भने अहिलेनै यकिन भएको छैन ।

धामीदाई भने झण्डै तीन सातादेखि काठमाडौँमै हुनुहुन्छ । मल्लकालीन राजाको पालाभन्दा अघिदेखि यस्तो परम्परा रहिआएको बताइन्छ । भैरवीको हेरविचार र स्याहारसुसार राज्यबाटै हुँदैआएको छ ।

सो अवसरमा नुवाकोट घर परिसरमा निर्माण गरिएको नुवाकोटको साततले दरबारको प्रतीक धामीदाइले उद्घाटन गर्नुभएको थियो । रासस

प्रकाशित मिति : २०७४, ६ माघ शनिबार २२:००

तपाइको प्रतिकृया

सम्बन्धित शीर्षकहरु

एसईई नतिजा आज

एसईई नतिजा आज

शुभ खबर, राष्ट्रिय परीक्षा बोर्डले गत चैतमा लिएको माध्यमिक शिक्षा परीक्षा (एसईई) को नतिजा शनिबार प्रकाशित गर्न लागेको छ । परीक्षा […]

२०७५, ९ असार शनिबार ११:०१
पाँच मन्त्रालयको खर्च कटौतीको प्रस्ताव प्रस्तुत

पाँच मन्त्रालयको खर्च कटौतीको प्रस्ताव प्रस्तुत

शुभ खबर, संघीय संसद्अन्तर्गत प्रतिनिधिसभाको आजको बैठकमा रक्षा, स्वास्थ्यसहित विभिन्न पाँच मन्त्रालयको खर्चको कटौती गर्नका लागि सातजना सांसदले खर्च कटौतीको प्रस्ताव […]

२०७५, ८ असार शुक्रबार १५:३२
प्रतिनिधिसभा –शून्य समय

प्रतिनिधिसभा –शून्य समय

शुभ खबर, प्रतिनिधिसभाको आजको बैठकको शून्य समयमा बोल्ने अधिकांश सांसदहरुले सुकुम्बासी समस्या, सडक निर्माणलगायत समसामयिक विषयमा सभामुखमार्फत सरकारको ध्यानाकर्षण गराउनुभएको छ […]

२०७५, ८ असार शुक्रबार १५:१६
आज ब्राजिल र कोस्टारिकाको भिडन्त

आज ब्राजिल र कोस्टारिकाको भिडन्त

शुभ खबर, पाँच पटकको बिश्व बिजेता सँग कोस्टारिकाका आमनेसामने हुने भएको छ । नेपाली समय अनुसार बेलुका ५ः४५ बजे यी […]

२०७५, ८ असार शुक्रबार १०:०४
नेपाली कम्युनिष्ट एकतालाई विश्व कम्युनिष्ट आन्दोलनले आत्मसात् गर्ने –प्रधानमन्त्री

नेपाली कम्युनिष्ट एकतालाई विश्व कम्युनिष्ट आन्दोलनले आत्मसात् गर्ने –प्रधानमन्त्री

शुभ खबर, प्रधानमन्त्री केपी शर्मा ओलीले चिनियाँ कम्युनिष्ट पार्टीको केन्द्रीय पार्टी स्कुलद्वारा आज आयोजित कार्यक्रमलाई सम्बोधन गर्दै नेपालको कम्युनिष्ट आन्दोलनको […]

२०७५, ८ असार शुक्रबार ०९:३१
बिम्स्टेक सम्मेलनको तयारी सुरु

बिम्स्टेक सम्मेलनको तयारी सुरु

शुभ खबर, बहुपक्षीय प्राविधिक तथा आर्थिक सहयोगका लागि बङ्गालको खाडीको प्रयास (बिम्स्टेक)को चौथो शिखर सम्मेलन आयोजना गर्न सरकारले तयारी तीव्र […]

२०७५, ८ असार शुक्रबार ०९:२४
भिडियो