‘दिगो उत्पादकत्व वृद्धि स्तरोन्नतिको पूर्वशर्त’

शुभ खबर, नेपाललाई अल्पविकसित मुलुकबाट मध्यम आययुक्त विकासोन्मुख राष्ट्रमा स्तरोन्नति गर्न कृषि उत्पादकत्व वृद्धि दोब्बरभन्दा बढीले बढाउनुपर्ने सुझाव आर्थिक क्षेत्रका जानकारहरुले दिएका छन् ।

यहाँस्थित बंगलादेशी राजदूतावास र रणनीतिक तथा सामाजिक–आर्थिक अनुसन्धान प्रतिष्ठान (आइएसएसआर)ले आज यहाँ संयुक्त रुपमा आयोजना गरेको ‘अल्पविकसित राष्ट्र बंगलादेशको स्तरोन्नति प्रक्रिया : नेपाललाई शिक्षा’ विषयक कार्यशालामा उनीहरूले दिगो आर्थिक विकासका आधार तयार नभएसम्म नेपालको स्तरोन्नति अति कठिन हुने बताए ।

कृषि क्षेत्रको आधुनिकीकरण एवं व्यावसायिकीकरण, विमानस्थल, द्रुतमार्गजस्ता भौतिक पूर्वाधार निर्माण तथा सञ्चालन, पर्यटकीय महत्वका देशभरका क्षेत्रमा सुविधासम्पन्न होटल निर्माण तथा सञ्चालन, विशेष आर्थिक क्षेत्र सञ्चालन, सूचना तथा सञ्चार प्रविधिको अत्यधिक उपयोग, उत्पादन र सेवा क्षेत्रको विस्तार तथा तिनको दिगोपनाको सुनिश्चितता पनि स्तरोन्नतिका निम्ति अपरिहार्य भएको उनीहरुको कथन थियो ।

पूर्वप्रधानमन्त्री माधवकुमार नेपालले सुशासन, प्रवद्र्धन, दिगो आर्थिक विकासबाट नै विकासशील राष्ट्रमा स्तरोन्नति हुने आधार भएका बताउँदै पर्यटन ऊर्जा उत्पादनका क्षेत्रबाट नै राष्ट्र अधिक लाभान्वित हुने बताउनुभयो । उहाँले बंगलादेशले गरेको प्रगति नेपालका निम्ति प्रेरणाको विषय भएको बताउँदै सार्कको सदस्य राष्ट्रका नाताले दुवै देशले अनुभव आदान प्रदान गरी विकास स्तरोन्नतिको लक्ष्य हासिल गर्न सक्ने बताउनुभयो ।

नेपालका लागि बंगलादेशका राजदूत मास्फी बिन्ते शाम्सले बंगलादेशको स्वतन्त्रता आन्दोलनमा नेपालबाट प्राप्त नैतिक एवं भौतिक सहयोगप्रति आभार व्यक्त गर्दै दुई देशबीचको सम्बन्ध शताब्दिऔँदेखि प्रगाढ रहेको बताउनुभयो ।

आफ्नो देशले अल्प विकसित मुलुकबाट स्तरोन्नतिमा हासिल गरेको उपलब्धिलाई ऐतिहासिक भन्दै उहाँले उच्च राजनीतिक नेतृत्वको प्रतिबद्धताका कारण त्यो सम्भव भएको बताउनुभयो ।

राष्ट्रिय योजना आयोगका उपाध्यक्ष डा शंकर शर्माले व्यापार विस्तार, आम्दानीका स्रोतहरुमा दिगोपनाको सुनिश्चितता, भूकम्प, बाढीपहिरोजस्ता दैवी विपत्तिले पनि स्तरोन्नतिको लक्ष्य हासिलमा बाधा पु¥याउन सक्ने भएकाले हरेक पक्षलाई दृष्टिगत गरी कार्ययोजना बनाएर अघि बढ्न सकिने बताउनुभयो ।

संयुक्त राष्ट्रसंघका पूर्व उपमहासचिव ज्ञानचन्द्र आचार्यले अन्तर्राष्ट्रिय समुदायले अल्प विकसित मुलुकलाई उपलब्ध गराउने विकास सहायता समयमै प्रदान हुनुपर्ने तथा दिगो विकासका अन्य क्षेत्रमा नेपालले गम्भीर भएर काम गर्नुपर्ने सुझाव दिनुभयो ।

आइएसएसआरका कायममुकायम अध्यक्ष प्रा गोविन्द नेपालको सभापतित्वमा भएको उक्त कार्यशालामा सार्क मुलुकका कूटनीतिक नियोगका पदाधिकारी तथा पूर्व राजदूतहरुको उपस्थिति थियो ।

गत मार्चमा संयुक्त राष्ट्रसंघले बंगलादेशलाई अल्प विकसित राष्ट्रबाट स्तरोन्नति भएको सूचना प्रदान गरेको थियो । (रासस)

प्रकाशित मिति : २०७५, २७ बैशाख बिहीबार १८:४९

तपाइको प्रतिकृया

सम्बन्धित शीर्षकहरु

टेलिकमको डाटा सेवा प्रयोगकर्ता एक करोड

टेलिकमको डाटा सेवा प्रयोगकर्ता एक करोड

शुभ खबर,  नेपाल टेलिकमको डाटा सेवाका प्रयोगकर्ता एक करोड एक लाख ५४ हजार पुगेका छन् । कम्पनीले हालै प्रकाशित गरेको पछिल्लो तथ्यांकअनुसार […]

२०७५, ८ जेष्ठ मंगलवार १९:१५
नेकपाका केन्द्रीय सदस्यको नाम सार्वजनिक, को को परे ? (सूचीसहित)

नेकपाका केन्द्रीय सदस्यको नाम सार्वजनिक, को को परे ? (सूचीसहित)

शुभ खबर, नेपाल कम्युनिष्ट पार्टीका ४४१ केन्द्रीय सदस्यको नाम सार्वजनिक गरिएको छ। तत्कालिन एमाले र माओवादी केन्द्रबीच जेठ २ गते एकीकरणपछि मंगलबार […]

२०७५, ८ जेष्ठ मंगलवार १९:०७
पर्यटन बोर्डद्वारा चिनियाँ भाषाको वेबसाइट शुरु

पर्यटन बोर्डद्वारा चिनियाँ भाषाको वेबसाइट शुरु

शुभ खबर, चिनियाँ पर्यटकलाई आकर्षण गर्ने उद्देश्यले नेपाल पर्यटन बोर्डले चिनियाँ भाषको वेबसाइट सञ्चालनमा ल्याएको छ । प्रमुख पर्यटकीय गन्तव्यबारे जानकारी गराई […]

२०७५, ७ जेष्ठ सोमबार १७:४२
नीति तथा कार्यक्रम प्रस्तुत

नीति तथा कार्यक्रम प्रस्तुत

शुभ खबर, राष्ट्रपति विद्यादेवी भण्डारीले सरकारको आगामी आर्थिक २०७५÷७६ को नीति तथा कार्यक्रम संघीय संसद् (राष्ट्रिय सभा ÷प्रतिनिधिसभा)को संयुक्त बैठकमा प्रस्तुत […]

२०७५, ७ जेष्ठ सोमबार १७:२४
सरकारको नीति तथा कार्यक्रम आज

सरकारको नीति तथा कार्यक्रम आज

शुभ खबर, राष्ट्रपति विद्यादेवी भण्डारीले सरकारको आर्थिक २०७५/७६ को नीति तथा कार्यक्रम सोमबार (आज) संघिय संसदमा प्रस्तुत गर्दै हुनुहुन्छ । बजेट […]

२०७५, ७ जेष्ठ सोमबार ०८:३३
किन खस्छ आङ ? जोगिने उपाय तथा उपचार

किन खस्छ आङ ? जोगिने उपाय तथा उपचार

शुभ खबर, पाठेघर अर्थात् आङ खस्ने राेग महिलाहरूमा हुने जटिल समस्या हाे । याे समस्याबाट धेरै महिलाहरू पिडित छन् । विषेश […]

२०७५, ६ जेष्ठ आईतवार ०९:५२
भिडियो