समाज परिवर्तनका लागि युवा शक्तिको सहयोग आवश्यक

शुभ खबर,  मुलुकको आमूल परिवर्तनमा युवा शक्तिको साथ सहयोग आवश्यक रहेको छ ।

महानगरीय प्रहरी प्रभाग नयाँ बसपार्क र सामुदायिक प्रहरी सेवा केन्द्रले आज यहाँ आयोजना गरेको ‘नागरिकको चाहना प्रहरीको कर्तव्यमा युवाको भूमिका’ विषयक अन्तरक्रियामा महानगरीय प्रहरी परिसरका प्रमुख विश्वराज पोखरेलले नयाँ बसपार्क क्षेत्रको शान्ति सुरक्षाका लागि इमान्दार युवाको समिति निर्माण गर्नुपर्ने आवश्यकता औल्याउनुभयो ।

“काठमाडौँ परिवर्तन गर्ने अभियानमा प्रहरी लागेको छ, यसमा इमान्दार नागरिकको सहयोग आवश्यक छ”, उहाँले भन्नुभयो ।

प्रमुख पोखरेलले समाजमा खुल्ने विभिन्न संघसंस्था र क्लब नामका लागिमात्र नभएर समाजसेवा गर्नसमेत सबैलाई आग्रह गर्नुभयो । प्रहरी र युवा हातेमालो गरेर अगाडि बढेमात्र नयाँ बसपार्क क्षेत्रको शान्ति सुरक्षामा परिवर्तन आउने उहाँको भनाइ थियो ।

महानगरीय प्रहरी वृत्त महाराजगञ्जका प्रमुख योगेन्द्रसिंह थापाले नागरिकको सहयोगबिना प्रहरीले शान्ति सुरक्षाको क्षेत्रमा सुधार ल्याउन नसक्ने भन्दै समाजमा घट्ने हरेक घटनाको सूचना प्रहरीलाई दिन आग्रह गर्नुभयो ।

टोखा नगरपालिका वडा नं १० का अध्यक्ष जेपी नेपालले बसपार्क रहेको गोङ्गबु क्षेत्रलाई नमूना क्षेत्र बनाउनका लागि वडाले सहयोग गर्ने प्रतिबद्धता व्यक्त गर्नुभयो ।

टोखा नगरपालिका वडा नं ८ का अध्यक्ष केशव खत्रीले व्यक्ति आफैँ सुध्रिन सकेमात्र समाज सुधार हुने भएकाले समाजसुधारका लागि आफैँबाट अभियान थाल्नुपर्ने बताउनुभयो ।

महानगरीय प्रहरी प्रभाग नयाँ बसपार्कका प्रमुख प्रताप पौडेलले देशभरबाट आएका सवारी साधन पार्किङ क्षेत्र नयाँ बसपार्कको शान्ति सुरक्षामा सुधार ल्याई सबैको रोजाइ नयाँ बसपार्क बनाउन आफू लाग्ने प्रतिबद्धता व्यक्त गर्नुभयो । उहाँले बर्दीको महत्वलाई केन्द्रमा राखेर बसपार्कको शान्ति सुव्यवस्थालाई राम्रो बनाउने स्पष्ट पार्नुभयो ।

चार महिनामा प्रभागले सामुदायिक प्रहरी सेवा केन्द्रसँग मिलेर १७ विद्यालयमा जनचेतनामूलक कार्यक्रम, आठ वटा जुवाको खाल नियन्त्रण र ठूलो परिमाणमा घरेलु मदिरा नष्ट गरिसकेको सेवा केन्द्रका प्रहरी नायब निरीक्षक दीपेन्द्रबहादुर मल्लले जानकारी दिनुभयो । (रासस)

प्रकाशित मिति : २०७४, २१ चैत्र बुधबार १९:४४

तपाइको प्रतिकृया

सम्बन्धित शीर्षकहरु

सुन्तलाको बिरुवा बेचेर पाँच लाख आम्दानी

सुन्तलाको बिरुवा बेचेर पाँच लाख आम्दानी

शुभ खबर, अन्नपूर्ण गाउँपालिका–३ फगामका जोकबहादुर विकले सुन्तलाको बिरुवा बेचेर रु पाँच लाखभन्दा बढी आम्दानी गर्नुभएको छ । विगत पाँच वर्षदेखि […]

२०७५, २१ असार बिहीबार १५:०८
दिगो विकास लक्ष्य हासिल गर्न व्यापारिक समुदायको भूमिकामा जोड

दिगो विकास लक्ष्य हासिल गर्न व्यापारिक समुदायको भूमिकामा जोड

शुभ खबर, व्यापारिक समुदायले आफ्नो व्यवसाय प्रवद्र्धनसँगै दिगो विकास लक्ष्य हासिल गर्ने दिशामा क्रियाशील रहनुपर्नेमा जोड दिइएको छ । उत्तरदायीपूर्ण ढंगबाट […]

२०७५, २१ असार बिहीबार १४:५१
गरिबी निवारणका लागि रु दश करोड लगानी

गरिबी निवारणका लागि रु दश करोड लगानी

शुभ खबर, गरिबी निवारण कोषमार्फत नुवाकोटमा करीब रु १० करोड लगानी भएको छ । विसं २०७१ चैतदेखि शुरु भएर जिल्लाका साविक […]

२०७५, २१ असार बिहीबार १०:३२
गृहमन्त्री राष्ट्रियसभा-जानकारी

गृहमन्त्री राष्ट्रियसभा-जानकारी

शुभ खबर, गृहमन्त्री रामबहादुर थापाले जनताको क्रियाकलाप प्रभावित नहोस् भन्ने हेतुले सरकारले अति संवेदनशील केही स्थानमा निशेधाज्ञा जारी गरेको जानकारी दिनुभयो […]

२०७५, २० असार बुधबार २०:४३
जलस्रोत नीति मस्यौदा तयार

जलस्रोत नीति मस्यौदा तयार

शुभ खबर, नेपालका सबै नदीका बेसिन योजना आगामी तीन वर्षभित्रमा तयार गर्ने योजनाका साथ राष्ट्रिय जलस्रोत नीतिको मस्यौदा तयार भएको छ […]

२०७५, २० असार बुधबार २०:३५
दाङमा १५ प्रतिशत धान रोपाइँ

दाङमा १५ प्रतिशत धान रोपाइँ

शुभ खबर, पर्याप्त वर्षा नभएका कारण अहिलेसम्म दाङमा १५ प्रतिशत मात्र धान रोपाइँ भएको छ । सिँचाईको अभावमा रोपाइँ हुन नसक्दा […]

२०७५, १५ असार शुक्रबार १४:२२
भिडियो