अटो जिमखाना भव्यतापूर्वक सम्पन्न गर्न लागिपरेका छौ ।

नेपालमै पहिलो पटक आफ्नै रेसिड सर्किटमा आज शुक्रबारदेखि अटो जिमखाना प्रतियोगिता प्रारम्भ भएको छ । हिमालयन मोटरल्याण्ड, धुलिखेलमा सञ्चालन गरिने सो प्रतियोगितामा ६० भन्दा बढी गाडीले सहभागिता जनाउने छन् । प्रतियोगिताको मूख्य प्रायोजकको रुपमा भक्सवागन रहेको छ भने प्रायोजकको रुपमा गल्फ लुब्रिकेन्ट, रेडबुल, आइसर, सगरमाथा इन्स्योरेन्स र रिलायन्स फाइनान्स रहेका छन् ।

यसै सन्दर्भमा आयोजक नेपाल मोटर स्पोर्ट्स क्लबका अध्यक्ष दीपक आचार्यसँग गरिएको कुराकानी :

नेपालमा पहिलोपटक अटो जिमखाना प्रतियोगिता आयोजना गर्दै हुनुहुन्छ ? कस्तो छ तयारी ?
नेपाल मोटर स्पोर्ट्स क्लबको आयोजनामा पहिलोपटक नेपालमा नेसनल जिमखाना कम्पिटिसन हुन लागेको छ । आज पहिलो दिन ट्रायल राउन्ड हुँदैछ । भोलि खास च्याम्पियनसिप हो । ६० भन्दा बढी सहभागी हुने अपेक्षा गरेका छौं । दुई प्रकारको प्रतियोगिता हुनेछ । फ्रि ल्याप रेस ७ सय मिटरको ट्रयाकमा हुनेछ । अर्को अटो जिमखाना हो । जिमखानामा प्रथम हुनेलाई इन्डोनेसियामा हुने प्रतियोगितामा सहभागिताका लागि पठाइने छ ।

सो प्रतियोगिता भब्यताका साथ सम्पन्न पार्न हामी सबैजना निकै मेहनत गरिरहेका छौ ।

मोटर स्पोर्ट्स क्षेत्रमा नयाँ अध्यायको शुभारम्भ गर्नुभएको छ, यो अवधारणा कसरी आयो ?
हामीले नेपालमा मोटर स्पोर्ट्सको लागि छुट्टै खालको क्लबको आवश्यकता पहिले देखि नै महसुस गरेका थियौ । हामीसँग पर्याप्त स्रोत साधन नहँुदा हामीले त्यसलाई व्यवहारमा उतार्न सकिरहेका थिएनौ । जसले गर्दा हामी केही समय अध्ययन, अनुसन्धानमा लागिरहेका थियौ र त्यसपछि २०७२ सालमा नेपाल मोटर्स स्पोर्टस् क्लब गठन गरेका थियौ । जसमा ११ जना कार्यसमिति चयन गरेका छौ । त्यही क्लबले नै हाल विभिन्न प्रकारका गतिविधि गर्न प्रारम्भ गरेको हो ।

नेपालमा भएका अन्य थुप्रैै खेलहरु जस्तै यो मोटर स्पोर्ट्सलाई लोकप्रिय बनाउनका लागी यहाँहरुले कस्ता कार्य योजनाहरु निर्माण गर्नुभएको छ ?
हामीले एक वर्षभित्र जिमखाना प्रतियोगिता र ¥यालीक्रस धुलिखेल, पावर टु पावर स्टेयरिङ्ग, सिन्सियर सिटिजन मोटर ¥याली, कलेज टु कार्ट् ,मार्सल तालिम, ड्राइभर तालिम, अन्तर्राष्ट्रिय सहभागिता, कर्पोरेट जस्ता कोलाबोरेसन क्याम्पिङ र अर्गनाईजेसनल म्यानेजमेन्ट जस्ता कार्यक्रमहरु गर्ने गरी आवश्यक कार्ययोजना तय गरेका छौ ।

यो क्षेत्रमा कस्तो सम्भावनाहरु रहेका छन् ?
हाम्रो जस्तो विकासोन्मुख देशका लागि यस प्रकारका प्रतियोगिता अति आवश्यक छ । यसले खेल पर्यटकलाई भित्र्याउने काम गर्छ । जुन कार्यले नेपालको अर्थतन्त्रलाई समेत टेवा पु¥याउने देखिन्छ । त्यसले गर्दा मोटर स्पोर्टस्मा हामीले एकदमै धेरै सम्भावना देखेका छौ ।

सम्भावनाका कुरा गरिरहँदा मोटर स्पोर्ट्सको क्षेत्रमा कस्ता–कस्ता चुनौतीहरु रहेका छन् ?
मोटर स्पोर्टस् भन्नासाथ खर्चिलो, फराकिलो र ठूलो ठाउँ चाहिन्छ मेहनत पनि धेरै गर्नुपर्दा थुप्रै चुनौतीहरुको सामना गर्नुपर्ने भने हुन्छ ।

मोटर स्पोर्ट्सको क्षेत्रमा राज्यको सहभागिता कस्तो हुनुपर्छ र यहाँहरुले के–कस्ता सहयोगहरु प्राप्त गर्नुभएको छ ?
हरेक क्षेत्रमा राज्यको भूमिका आफैमा महत्वपूर्ण हुन्छ । मोटर स्पोर्टस्को क्षेत्रमा पनि राज्यले नै ध्यान दिनुपर्छ र राज्यले हामीलाई सहयोग नै नगरेको भन्न मिल्दैन । हामीलाई विभिन्न किसिमका सहयोगहरु भईरहेकै छन् र आगामी दिनमा पनि सहयोग हुनेछ भन्ने विश्वास लिएका छौ ।

क्लबको अध्यक्षको हैसियतले आम नेपाली जन समुदायहरुलाई के भन्नु हुन्छ ?
म सम्पूर्ण नेपाली समुदाय, सरोकारबाला निकाय र खेलकुद प्रेमीहरुलाई के भन्न चाहन्छु भने यो खेल हाम्रो हो, यसबाट राष्ट्रिय, महादेशीय तथा अन्तर्राष्ट्रिय रुपमा राष्ट्रको झण्डालाई फहराउन सकिन्छ । यसलाई अरु खेल झै सहज बनाउन सकिन्छ, सबैको सहयोग निकै जरुरी छ । जसले गर्दा सबैले मोटर स्पोर्ट्सको क्षेत्रमा आ—आफ्नो ठाउँबाट विशेष सहयोग गर्न सबै प्रति हार्दिक अपिल गर्दछु । Source: Nepal Auto

प्रकाशित मिति : २०७४, १४ पुष शुक्रबार १३:५८

तपाइको प्रतिकृया

सम्बन्धित शीर्षकहरु

सुन्तलाको बिरुवा बेचेर पाँच लाख आम्दानी

सुन्तलाको बिरुवा बेचेर पाँच लाख आम्दानी

शुभ खबर, अन्नपूर्ण गाउँपालिका–३ फगामका जोकबहादुर विकले सुन्तलाको बिरुवा बेचेर रु पाँच लाखभन्दा बढी आम्दानी गर्नुभएको छ । विगत पाँच वर्षदेखि […]

२०७५, २१ असार बिहीबार १५:०८
दिगो विकास लक्ष्य हासिल गर्न व्यापारिक समुदायको भूमिकामा जोड

दिगो विकास लक्ष्य हासिल गर्न व्यापारिक समुदायको भूमिकामा जोड

शुभ खबर, व्यापारिक समुदायले आफ्नो व्यवसाय प्रवद्र्धनसँगै दिगो विकास लक्ष्य हासिल गर्ने दिशामा क्रियाशील रहनुपर्नेमा जोड दिइएको छ । उत्तरदायीपूर्ण ढंगबाट […]

२०७५, २१ असार बिहीबार १४:५१
गरिबी निवारणका लागि रु दश करोड लगानी

गरिबी निवारणका लागि रु दश करोड लगानी

शुभ खबर, गरिबी निवारण कोषमार्फत नुवाकोटमा करीब रु १० करोड लगानी भएको छ । विसं २०७१ चैतदेखि शुरु भएर जिल्लाका साविक […]

२०७५, २१ असार बिहीबार १०:३२
गृहमन्त्री राष्ट्रियसभा-जानकारी

गृहमन्त्री राष्ट्रियसभा-जानकारी

शुभ खबर, गृहमन्त्री रामबहादुर थापाले जनताको क्रियाकलाप प्रभावित नहोस् भन्ने हेतुले सरकारले अति संवेदनशील केही स्थानमा निशेधाज्ञा जारी गरेको जानकारी दिनुभयो […]

२०७५, २० असार बुधबार २०:४३
जलस्रोत नीति मस्यौदा तयार

जलस्रोत नीति मस्यौदा तयार

शुभ खबर, नेपालका सबै नदीका बेसिन योजना आगामी तीन वर्षभित्रमा तयार गर्ने योजनाका साथ राष्ट्रिय जलस्रोत नीतिको मस्यौदा तयार भएको छ […]

२०७५, २० असार बुधबार २०:३५
दाङमा १५ प्रतिशत धान रोपाइँ

दाङमा १५ प्रतिशत धान रोपाइँ

शुभ खबर, पर्याप्त वर्षा नभएका कारण अहिलेसम्म दाङमा १५ प्रतिशत मात्र धान रोपाइँ भएको छ । सिँचाईको अभावमा रोपाइँ हुन नसक्दा […]

२०७५, १५ असार शुक्रबार १४:२२
भिडियो