कफी खेतीको व्यवसायीकरण आर्थिक समृद्धिको आधार

शुभ खबर, प्रदेश नं ४ र ५ स्तरीय पोखरामा आयोजित समन्वयात्मक गोष्ठी एवं प्रतिवेदन प्रस्तुतिकरण कार्यक्रममा कफीको खेतीको व्यावसायीकरण आर्थिक समृद्धिको महत्वपूर्ण आधार बन्नेमा जोड दिइएको छ ।

राष्ट्रिय चिया तथा कफी विकास बोर्ड, क्षेत्रीय कार्यालय, पोखराद्वारा आयोजित गोष्ठीमा वक्ताले नेपालमा ४३ वटा जिल्ला कफीको अत्याधिक सम्भावनायुक्तस्थल भए पनि व्यावसायिक रुपमा उपयोग हुन नसकेकोमा जोड दिएका छन् ।

कार्यक्रममा जिल्ला समन्वय समिति कास्कीका अध्यक्ष बैनबहादुर अधिकारी क्षेत्रीले सामुदायिक वनसँग कफीलाई जोड्दै यसको व्यावसायिक विकास गर्न सक्नुपर्ने बताउनुभयो ।

अबको आवश्यकता गरिबी न्यूनीकरण भएको बताउँदै उहाँले आर्थिक समृद्धिका लागि कफी खेतीको व्यावसायिक विकास बढाउनुपर्ने बताउनुभयो । राष्ट्रिय चिया तथा कफी विकास बोर्डका क्षेत्रीय निर्देशक लक्ष्मण पोखरेलले नेपालमा लामो समयदेखि कफी खेतीको शुरुवात भए पनि यसले अपेक्षित रुपमा व्यावसायिक रुप लिन नसकेको बताउनुभयो ।

नेपाल प्रांगारिक कफीको उत्पादनका दृष्टिले अत्यन्त सम्भावना बोकेको ठाउँ भएको बताउँदै उहाँले यसका माध्यमबाट कृषकको आर्थिक समुन्नति सम्भव हुने उल्लेख गर्नुभयो ।

कफीखेतीका नाममा हुनेगरेका अनियमिततालाई रोकिने बताउँदै उहाँले विद्यमान सम्भाव्यतालाई सरोकारवालसँगको सहकार्यमा उजागर गरिने बताउनुभयो ।

वरिष्ठ कृषि विकास अधिकृत माधव लम्सालले कफीमा आउने रोगको नियन्त्रणका लागि आन्तरिक क्वारेन्टाइनलाई प्रभावकारी बनाउनुपर्ने बताउनुभयो । पोखरा लेखनाथ महानगरपालिकाका कृषि महाशाखा प्रमुख मनोहर कडरियाले प्राकृतिक स्थानमा नै कफी लगाउन सकिने बताउँदै सम्भावित ठाउँमा यसको व्यावसयिकखेती विस्तार गर्नुपर्ने उल्लेख गर्नुभयो ।
पत्रकार कमल पौडेल (अथक)ले राज्यले कृषकमा गर्ने लगानी वास्तविक कृषकले पाउने अवस्था सुनिश्चित हुनुपर्ने धारणा राख्नुभयो ।

कार्यक्रममा पोखरा लेखनाथ महानगरपालिका–५ का अध्यक्ष धनबहादुर नेपाली, बागवानी अनुसन्धान केन्द्रका प्राविधिक अधिकृत दुर्गाप्रसाद पौडेल, जिल्ला कफी सहकारी संघ पाल्पाका अध्यक्ष रामप्रसाद घिमिरे, कृषि प्राविधिक नगेन्द्र सुवेदी, कृषि विकास अधिकृत चन्द्रपुरीलगायतले कफीखेती आर्थिक समृद्धि महत्वपूर्ण आधार बन्ने हुँदा यसको विकास राज्यको प्राथमिकतामा पर्नुपर्ने बताउनुभयो ।  (रासस)

प्रकाशित मिति : २०७४, १४ चैत्र बुधबार २०:०४

तपाइको प्रतिकृया

सम्बन्धित शीर्षकहरु

सुन्तलाको बिरुवा बेचेर पाँच लाख आम्दानी

सुन्तलाको बिरुवा बेचेर पाँच लाख आम्दानी

शुभ खबर, अन्नपूर्ण गाउँपालिका–३ फगामका जोकबहादुर विकले सुन्तलाको बिरुवा बेचेर रु पाँच लाखभन्दा बढी आम्दानी गर्नुभएको छ । विगत पाँच वर्षदेखि […]

२०७५, २१ असार बिहीबार १५:०८
दिगो विकास लक्ष्य हासिल गर्न व्यापारिक समुदायको भूमिकामा जोड

दिगो विकास लक्ष्य हासिल गर्न व्यापारिक समुदायको भूमिकामा जोड

शुभ खबर, व्यापारिक समुदायले आफ्नो व्यवसाय प्रवद्र्धनसँगै दिगो विकास लक्ष्य हासिल गर्ने दिशामा क्रियाशील रहनुपर्नेमा जोड दिइएको छ । उत्तरदायीपूर्ण ढंगबाट […]

२०७५, २१ असार बिहीबार १४:५१
गरिबी निवारणका लागि रु दश करोड लगानी

गरिबी निवारणका लागि रु दश करोड लगानी

शुभ खबर, गरिबी निवारण कोषमार्फत नुवाकोटमा करीब रु १० करोड लगानी भएको छ । विसं २०७१ चैतदेखि शुरु भएर जिल्लाका साविक […]

२०७५, २१ असार बिहीबार १०:३२
गृहमन्त्री राष्ट्रियसभा-जानकारी

गृहमन्त्री राष्ट्रियसभा-जानकारी

शुभ खबर, गृहमन्त्री रामबहादुर थापाले जनताको क्रियाकलाप प्रभावित नहोस् भन्ने हेतुले सरकारले अति संवेदनशील केही स्थानमा निशेधाज्ञा जारी गरेको जानकारी दिनुभयो […]

२०७५, २० असार बुधबार २०:४३
जलस्रोत नीति मस्यौदा तयार

जलस्रोत नीति मस्यौदा तयार

शुभ खबर, नेपालका सबै नदीका बेसिन योजना आगामी तीन वर्षभित्रमा तयार गर्ने योजनाका साथ राष्ट्रिय जलस्रोत नीतिको मस्यौदा तयार भएको छ […]

२०७५, २० असार बुधबार २०:३५
दाङमा १५ प्रतिशत धान रोपाइँ

दाङमा १५ प्रतिशत धान रोपाइँ

शुभ खबर, पर्याप्त वर्षा नभएका कारण अहिलेसम्म दाङमा १५ प्रतिशत मात्र धान रोपाइँ भएको छ । सिँचाईको अभावमा रोपाइँ हुन नसक्दा […]

२०७५, १५ असार शुक्रबार १४:२२
भिडियो